Дс Сс Ср Бс Жм |
09.00 - 18.30 |
Сн | 9.00 - 17.00 |
Жк | Демалыс |
Айдың соңғы күні – тазалық күні |
Ертіс аудандық орталық кітапханада 5-6-9 сыныптар аралығында Ғасыр ақыны Мұқағали Мақатаевтың 85 жылдығына арналған «Мұқағали – мәңгілік тұлға» атты тақырыпта мәнерлеп оқу сайысы өткізілді. Сайыс барысында ақын Мұқағали Мақатаевтың өмірбаянына, шығармашылығына қысқаша мағлұматтар беріліп, ақынға арналған слайд көрсетілді. Сайысқа №2 Ертіс қазақ мектебінің 19 оқушысы қатысты. Өлеңдерін сайысын ұйымдастырған кітапханашы А.Қызкенова сайыс ережесін түсіндіріп, әділ-қазылар алқасымен таныстырды. Сайыскерлер 5 балдық жүйемен бағаланды.
Мәнерлеп оқу сайысында келесі шарттарға көңіл бөлінді: өзін сахнада дұрыс ұстау, өлеңді жатқа айту, өлең сөздерінің түсінікті болуы, мәнері, дауыс ырғағы.
Аталған шарттар негізінде сайыс қорытындысы бойынша жүлделі орындарды келесі оқушылар әділ-қазылар алқасының шешімімен жеңіп алды:
1-орын: 5- сынып оқушысы Камалиден Аян.
2-орын: 5-сынып оқушысы Елдесова Алия.
3-орын: 5- сынып оқушысы Усаханова Наргиз.
Жеңіске жеткен жеңімпаздар аудандық мәдениет және тілдерді дамыту бөлімінің дипломдары және бағалы сыйлықтарымен марапатталды.
Қатысқан оқушылардың барлығына дипломдар тарту етілді.